بسم الله الرحمن الرحيم
شرح برنامج freeth
طبعا كلنا سمعنا عن برنامج freeth وكلنا شوفنا الشهرة اللي اتشهرها البرنامج في خلال فترة قصيرة جدا.
وكلنا دلوقتي بنسأل هل البرنامج دا صادق ويستحق فعلا إني أحمله وأقضي عليه وقتي، كمان هيوفرلي مصدر دخل بدون مجهود بدني أو ذهني كبير، ولا برنامج فاكس زي معظم البرامج اللي قبله وعبارة عن نصب في نصب.
طيب إحنا هنجاوب مع بعض علي كل الأسئلة دي بإذن الله بس خلينا الأول نقول كلمتين مع بعض: بص يا سيدي البرنامج دا لسه جديد وظاهر علي البلاي ستور - جوجل بلاي - من شهر تقريبا، وعن تجربتي الشخصية فأنا مش هكدب عليكم وأقولكم إنه برنامج صادق بنسبة 100% لأني لسه موصلتش للحد الأدني للسحب زيي زيكم.
لكن أعرف ناس كتير من صحابي ومعارفي وصلوا للحد الادني وحولوا ربحهم علي حسابهم علي بايبال أو فودافون كاش.
لكن أعرف ناس كتير من صحابي ومعارفي وصلوا للحد الادني وحولوا ربحهم علي حسابهم علي بايبال أو فودافون كاش.
طيب الكلام دا معناه إيه، معناه إن بشهادة ناس كتيرة البرنامج شغال وكويس جدا وبيوفرلك مصدر ربح ممتاز إذا قارنته باختصار الروابط أو رفع الملفات. ودلوقتي خلينا نشرح التطبيق مع بعض....
**ملحوظة قبل الشرح ياريت تشترك في المدونة ودا هيكون مقابل معنوي كبير بالنسبالي علي التعب اللي تعبته في كتابة الموضوع.
1- فكرة البرنامج
بص يا صاح البرنامج فكرته بسيطة جدا، وهي عبارة عن إنه بيحاسبك بعملة الإيثيريوم، والعملة دي شبه عملة البيتكوين كدا بس دي أرخص شوية، يعني العملة الواحدة منها بتعمل زي 480$.
تمام كدا لغاية دلوقتي بس أنا عارف إنك عندك سؤال عاوز تسأله وهو إيه المقابل اللي اللي البرنامج بيكسبه في سبيل إنه يديك ربح بالعملة الضخمة دي ؟؟؟
بس ياعم البرنامج فكرته الأساسية إنه بيظهرك إعلانات ومكسب البرنامج من الإعلانات دي بيكون ضخم جدا لأن طبعا عدد المستخدمين كبير وطالما عدد المستخدمين كبير يبقي عدد مرات ظهور الإعلانات كبير ودا معناه الربح هيكون كبير جدا.
بس ياعم البرنامج فكرته الأساسية إنه بيظهرك إعلانات ومكسب البرنامج من الإعلانات دي بيكون ضخم جدا لأن طبعا عدد المستخدمين كبير وطالما عدد المستخدمين كبير يبقي عدد مرات ظهور الإعلانات كبير ودا معناه الربح هيكون كبير جدا.
تلخيص الكلام إيه: تلخيص الكلام إنك بتفيد وتستفيد في نفس الوقت بمعني إنك بتكسب وصاحب التطبيق بيكسب هو كمان في نفس الوقت عشان الإعلانات اللي إنت بتشوفها دي.
2- عمل البرنامج
بعد التحميل سجل بحساب جوجل بتاعك وبعدين افتح البرنامج هتلاقي في نص الشاشة دايرة فيها كلمة claim
اضغط عليها هتلاقي فيه عد تنازلي بدأ وبيكون إما دقيقتين أو تلاتة
بعد العد مايخلص هيظهرلك إعلان إما مدته خمس ثواني وإما إعلان صوري بس يعني تقدر تتخطاه من علامة الإكس من غير عد
هتلاقي تم اضافة مبلغ من العملة لرصيدك ودا بيكون 1000 جزء من العملة
وبعدين تضغط تاني علي كلمة claim عشان العد يبدأ من جديد
وهكذا.......
طبعا إنت هتقول وأنا هفضل فاتح البرنامج طول اليوم وكل شوية أضغط علي claim دي؟؟؟
لا يا صاح إدارة البرنامج مفتهاش الموضوع دا وعملت ميزة في التطبيق وهو إنك تقدر تفتح التطبيق وبعدين تفتح أي برنامج تاني وهو هيشتغل في الخلفية، بمعني إنك تروح تفتحه وتطلع براه بس متقفلهوش من الخلفية وتروح مثلا تفتح الفيس بوك، في الوقت دا البرنامج هيكون شغال عادي والعد التنازلي شغال ولما العد ينتهي هتلاقي البرنامج فتح نفسه لوحده ووجهك لصفحة البدء عشان تتخطي الإعلان وتدوس claim وزي ما قولتلك أطول إعلان مش بيتعدي الخمس ثواني.
3- الحد الأدني للسحب
الحد الأدني للسحب من البرنامج بيكون لما توصل لمليون جزء من العملة ودول بيساووا 5$ ومتخفش وتقول الرقم كبير لأن البرنامج بيديك أرباح بأعداد كبيرة يعني ممكن توصل للعدد دا في يوم واحد أو نص يوم...
وبتقدر تحول أرباحك لحسابك علي بايبال أو فودافون كاش بكل سهولة.
كمان دعوة أصدقائك بيزود من أرباحك بسرعة لدرجة إنك ممكن وصل للحد الأدني مرتين في يوم واحد.
تقدر كمان تشوف الفيديو دا وهو عبارة عن شرح استخدام التطبيق عشان تفهم أكتر
تقدر كمان تشوف الفيديو دا وهو عبارة عن شرح استخدام التطبيق عشان تفهم أكتر
وبكدا الموضوع انتهي لو عندك أي سؤال سيبه في كومنت ومتنساش تشارك الموضوع مش تعمله كوبي وبست يا صديق :) وطبعا تشترك في المدونة عشان توصلك رسالة علي البريد كل لما ننزل موضوع جديد.
بي سيف والسلام عليكم ورحمة الله وبركاته :*
تعليقات
إرسال تعليق